Du kan bruke universitetsbiblioteket sjølv om du ikkje er student eller tilsett ved Nord universitet.
Ta kontakt i skranken og vis gyldig legitimasjon for å få lånekort.
Av omsyn til personvernet blir lånekontoar som ikkje har vore i bruk dei siste 12 månadene sletta.
Trykt materiale:
Du kan låne bøker som finst på biblioteket, ved alle avdelingane våre. Dersom du ønsker litteratur universitetsbiblioteket ikkje har, må du kontakte ditt lokale folkebibliotek for å bestille fjernlån.
E-ressursar:
Universitetsbiblioteket abonnerer på mange databasar, e-tidsskrift og e-bøker. Av lisensmessige årsaker er det avgrensa tilgang til e-ressursar for eksterne brukarar («walk-in-use»). Det står søketerminalar på biblioteket der ein kan lese innhaldet i desse ressursane på skjerm. Kontakt skrankepersonalet for å få lasta ned fil til minnepinne. Utskrift er ikkje tilgjengeleg for eksterne brukarar.